مسيرات أوكرانيا عطلت بترول روسيا وماذا عن مسيرات مصر وسد النهضة ؟
حسين ابو سبيع يكتب
- dr-naga
- 25 يوليو، 2026
- مقالات وتحليلات
- بترول روسيا, حسين ابو سبيع, سد النهضة, مسيرات, مسيرات اوكرانيا, مصر
أوكرانيا تضرب التوت البري!
بعد نجاح أوكرانيا الساحق في الهجمات بالمسيرات على مصافي البترول الروسية للدرجة التي اضطرت روسيا لشراء البترول من الخارج، ووقوف الناس طوابير على الوقود، واعتراف بوتين نفسه بالأزمة،
وكذلك هجمات أوكرانيا المتكررة على المدن الرئيسية الروسية والموانئ الرئيسية،
تتوسع هجمات أوكرانيا لهدف جديد خطير،
وهو مخازن سلع شركة التوت البري الروسية، وهي البديل الروسي لأمازون. Wild Berries.
استهدفت أوكرانيا مخازن تحتوي على مواد قابلة للاشتعال مثل بطاريات الليثيوم وأنابيب غاز الشوايات وأشباهها،
وده معناه إن عندهم معلومات مخابراتية بمحتويات مخازن الشركة دي.
السبب اللي قالته اوكرانيا للهجوم هو إن الشركة بتبيع منتجات للمجندين الروس،
يعني أنت – بعد الشر عنك – قررت تنضم للجيش الروسي بعقد، فالجيش بيديك مرتب، بس مش بيديك أي معدات غير السلاح والذخيرة، فبتروح تشتري واقي رصاص، حذاء عسكري، والحاجات دي. هتشتريها منين؟ ممكن تشتريها من شركة التوت البري.
السبب نفسه معناه إن الجيش الروسي بيقتصر في الميزانية بدرجة رهيبة، خصوصاً مع توقف كثير من مصافي البترول والعودة لاستيراده، في وقت أصلاً سعره في السوق الرسمي عالي جداً،
لكن معناه كمان إن الحكومة لو عاوزة توقف الهجمات دي، فهي محتاجة لبطاريات دفاع جوي ومنصات تشويش على الدرونات جنب كل مخزن للشركة دي!
وهم أصلاً مش عارفين يوفروا ده بشكل كافي لمصافي النفط والأهداف الحيوية في المدن الرئيسية!
تخيل إن صمود أوكرانيا لأربع سنوات ونصف أصلاً معجزة، ثم إثخانها في روسيا بعد كل خسائرها دي معجزة تانية،
لكن المعجزتين دول كان معاهم دعم أوروبي أمريكي ثلاث سنوات، ثم أوروبي فقط لمدة سنة ونصف.
كل اللي عاوز يشارك في حماية بلده محتاج يتعلم عن المسيرات، والتعلم عنها سهل ومتاح أونلاين. مش شرط يكون عندك مسيرة علشان تعرف تستخدم المسيرات!
وطبعاً محتاج نظام يكون عاوز يدافع عن نفسه وعنده مخابرات بتسعى لجمع معلومات عن العدو وبنك أهداف وغيرها.
تخيل لو كان النظام في مصر استخدم سلاح المسيرات في تعطيل عمليات بناء سد النهضة؟
وكان طبعاً ممكن ينكر أي علاقة له بها، لأنها هتنطلق من أماكن بعيدة جداً عن مصر!
ولو أرادوا الخروج لأعدوا له عدة، ولكن كره الله انبعاثهم فثبطهم وقيل اقعدوا مع القاعدين!
