استنكار حسام البدراوي “عدم فناء جسد النبي صلى الله عليه وسلم”

تامر شيرين يكتب

• dr-naga
• 10 يوليو، 2026
• مقالات وتحليلات
• تامر شرين شوقي, جسد النبي صلي الله عليه وسلم, حسام بدراوي

حسام بك..
ما هو لو أخذنا السكة دى عادي يبقى بالعقل برضه
سيدنا موسي انشق له البحر إزاي؟؟
و العصايه إتقلبت تعبان ازاي؟؟
و سيدنا عيسى أحيا الموتى إزاي؟؟
و سيدنا إبراهيم النار لم تحرقه إزاي؟؟
و السيدة مريم العذراء خلفت إزاي؟؟

لو بالعقل بس يبقى الأديان كلها ملهاش لازمة..

فى حاجة إسمها الإيمان..

ايوة..
الإيمان..

الإيمان بالله سبحانه وتعالى و الإيمان بقدرة الله سبحانه وتعالى على فعل أي شيء حتى لو عقلك مش متقبله او مستوعبه..

●● إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ●●

الإيمان عند الشخص(الطبيعي) يسبق العقل..

حكمة الصوم؟؟
فرض إلهى واجب التنفيذ..لا تسأل عن حكمة قد لا يفهمها عقلك القاصر..

يا حسام بك..
عدم وجود الإيمان و استخدام العقل فقط للحكم على ما نراه ده بيخرج الانسان من الدين(أي دين و كل دين) و يحوله الى حاجة تانية لا أتوقع أنك تقصدها..

الفراعنة يا حسام بك نجحوا فى حفظ جسد فرعون بالتحنيط لمدة ٤٠٠٠ سنة..
و مش عاجبك ان الله سبحانه وتعالى قادر على حفظ اجساد انبيائه؟؟؟

فين العقل هنا يا حسام بك؟

حضرتك عندك خبرة فى مجالات تانية كتير ياريت تتكلم فيها و تفيد الناس و تسيب الدين للعلماء هم أقدر مني و منك على توصيل معنى الإيمان للناس..

و بعدين بلاش مسجد نيو جيزة..
نصلى فى مسجد نادي الجزيرة…الإمام كويس و سريع..
و لا أقول لك..تعال على إقامة الصلاة على طول..