قضية نخنوخ والتوجيه الاعلامي
تامر شيرين شوقي يكتب
- dr-naga
- 14 يونيو، 2026
- حوارات ومقالات
- صبري نخنوخ, قضية نخنوخ والتوجيه الاعلامي, لتوجيه الاعلامي
من لحظة القبض على صبري نخنوخ و كل ثانية هناك خبر عنه فى موقع او جريدة او بوست..
طيب هل قرأت من مدة أي جديد بخصوص تعثر القرض أبو ٤٠ مليار جنيه!!!!!!!!!!!! للسيد محمد الخشن؟؟؟
لأ…
ليه؟؟؟
لأنك موجه إعلاميا..
مش حضرتك بس..
انا و انت و هو و هم و هن..
المجتمع كله موجه إعلاميا..
العصفورة اللى عايزنها تِكَمل حتِكَمل بأي خبر و اي فبركة و أى حقيقة..
انما العصفورة اللى عايزنها تقف نطنشها…ما نجريش وراها
يومين و الشعب اللى هو انا و حضراتكم حننسي و ننفعل مع العصفورة الجديدة..
انت فاكر نفسك حر و بتكتب بمزاجك؟؟؟؟
لا يا صديقي…انت و انا مساقين..ماشيين وراهم من غير ما نحس!!!
فين قانون الإيجارات الجديد اللى حيشرد نص البلد؟؟؟؟
نام و تمام..
اتعدل؟؟؟ لأ
اتغير؟؟؟ لأ
وقف؟؟؟ لأ..
اصبح قانون و مجلس النواب مطنش و الدولة مطنشة و الإعلام الرسمي مطنش و البرامج الحوارية مطنشة..
النتيجة؟؟؟
ان القانون مكمل بكل مصائبه الاجتماعية!!!
دى صورة مبسطة للى إحنا فيه من توجيه و جري ورا العصفورة مهما كانت..
طيب اتفضل الكبيرة..
النهاردة ذكرى التنازل عن تيران و صنافير
النهاردة تم توقيع معاهدة ترسيم الحدود البحرية بين مصر و السعودية و مجلس النواب الأسبق وافق بتاريخ النهاردة ١٤ يونيو ٢٠١٧!!!!!!!
حد فاكر؟؟
حد مهتم؟؟
كله ذاكرة السمكة..
كلنا ولاد عصفورة النهاردة..