سما المصري تعلن توبتها وترتدي الحجاب
قالت: لازم أجاهر بالتوبة كما جاهرت بالمعصية
- Ali Ahmed
- 5 أغسطس، 2025
- أخبار الأمة الإسلامية, الترندات
ظهرت الفنانة سما المصري، أمام إحدى اللجان الانتخابية، اليوم الثلاثاء، وهى ترتدي الحجاب، بعد إعلانها التوبة.
وشاركت سما المصري صورها بالحجاب عبر حسابها الرسمي على «فيسبوك»،
وكتبت تقول: «زي ما أنا جاهرت بالمعصية لازم أجاهر بالتوبة.. الحمد لله ، الناس اللي كانت بتشكك في حجابي وتوبتي آدي أول ظهور لي بالحجاب في انتخابات مجلس الشيوخ بالأزبكية، ويا رب تهدي كل عاصي، وتقويني يا رب على الالتزام والثبات والاحتشام، والأيام الجاية أقدر أعمل حاجه أكفر بيها عن اللي فات يااارب، ويسامحني انا وكل اللي زيي أمين.. كل سنة وكلنا بخير يا رب».
يذكر أن سما المصري، كانت قد أعلنت عن ارتداءها الحجاب، وطالبت الجميع بحذف صورها التي تظهر فيها بملابس مكشوفة.
ونشرت سما فيديو ظهرت فيه وهي منهارة من البكاء، عبر حسابها على فيسبوك، وعلقت: «أنا قفلت الانستجرام وهقفل الفيس بعد الفيديو ده والتيك توك مسحت من عليه كل حاجة.. أنا في صراع نفسي مش قادرة أتحمله».
وتابعت: «يا رب توب عليا، تعبت والله، اقبلها مني يا رب توبة نصوحة لوجهك الكريم.. وما أقلعش الحجاب تاني يا رب».
وأضافت مخاطبة متابعيها: «لو بتحبوا النبي محدش ينشر حاجة ليا بجسمي ولا شعري تاني، أنا لبست الحجاب، عشان خاطر النبي متنشروش حاجات بجسمي.. أبوس إيدكم».
وكانت سما المصري قد ردت على منتقديها الذين اتهموها بالسعي وراء إثارة الجدل والتريند، مؤكدة أن حياتها تغيرت بشكل جذري بعد تقربها من الله، وأنها لم تعد تهتم بالبحث عن الشهرة بأي ثمن.
وقالت سما المصري، عبر حسابها ب “فيسبوك”:” هذا بوست لي بتاريخ 3 مايو 2025، يعني من 3 شهور ولسه البوست موجود على الصفحة هنا على فيسبوك… هل كنتُ وقتها أبحث عن التريند كما يتهمني البعض؟ هذا سؤال للناس اللي مش عايزة تسبني في حالي… مش هقولكم اتقوا الله فيا، لا اتقوا الله في أنفسكم. أنا خلاص ارتحت لأنني قربت من ربنا، لكن أنتم اللي لسه تعبانين، عشان كده بقولكم اتقوا الله في أنفسكم مش فيا. ربنا كريم وغفور ورحيم.”
وأعادت سما نشر البوست القديم الذي كتبته ، وقالت فيه: “تصدقوا بالله أنا نفسي ألبس الحجاب موت بس خايفة على الحجاب مني .. الحجاب ده حاجة طاهرة أوي وخايفة عليه من شيطاني.. اددعولي ربنا يهديني ليه”.