خطأ عدم الاعلان عن خسائر الخليج
محمد مخيمر يكتب
- dr-naga
- 11 أبريل، 2026
- رأي وتحليلات
- الاعلان, خسائر الخليج, خسائر الخليج من الحرب الإيرانية, محمد مخيمر
في خطأ قاتل وقع فيه الخليج كله أثناء الحرب، وبيعانوا منه دلوقتي وهو تعمد إخفاء حجم الضرر الواقع من الهجمات الإيرانية على المنشآت الصناعية وبعض الأهداف المدنية.
هم فعلوا ذلك عشان يحافظوا على صورة الأمن والاستقرار في البلاد، لكن أتى ذلك عليهم بمشكلة أخرى وهي تعاطف الشعوب العربية مع إيران، وعدم تصديق رواية أن إيران استهدفت أهداف مدنية في هذة الدول.
و بيشتكوا حالياً ليه أنتم مش متعاطفين معانا ومش شايفين الضرر اللي حصل لينا؟
ما هو عشان أنت ما ورتناش الضرر!! أنت مخبيه ومجرم التصوير هنعرف منين؟
ودلوقتي هيبدأوا يعملوا أفلام وثائقية وبرامج لكن متأخر كان لازم يحصل نقل مباشر للأهداف المضروبة. مش بتكلم على القواعد العسكرية. بتكلم لو فيه أهداف مدنية.
لغاية دلوقتي الخبر اللي شفته من مصادر أجنبية إن كان فيه ضحايا من المدنيين في البحرين، وأمريكا اعترفت إن اللي حصل كان بسبب صاروخ اعتراضي هو اللي نزل عليهم بالغلط حتى في فيديو!.
يارب يكون دة درس ان منع التصوير مش دايماً صح