اخطر ما في هجوم دمياط

حسين ابو صبيح

أخطر شيء في هجوم دمياط، ان الجيش ماعرفش أصلاً أنه هجوم بمسيرات غير من بيان البيت الأبيض، زيه زينا يعني،

أنه بيفتح الباب قدام أي حد عاوز يهاجم مصر بمسيرات،
لأنه أثبت أن مصر ماعندهاش أنظمة دفاع جوي، مش باقول علشان تسقط المسيرات، لأ، علشان تعرف أصلاً أنها دخلت،

ولا أنظمة مراقبة بالأقمار الصناعية علشان تعرف المسيرات دي انطلقت منين.

وأي (..) هيقول لك ما عادي، المنطقة شغال فيها حروب مسيرات بقى لها ٣ سنين،

بعد ما تحط (..)  في بقه، تقول له: أيوه بس هو فيه كام مسيرة عدت الحدود ووصلت لدمياط؟ هي دمياط دي في مركز عمليات الحرب؟!

وبالمناسبة، مصر عندها أجهزة رصد وتتبع مسيرات، آه والله،
بس دي أجهزة إسرائيلية، إسرائيل حطتها في سينا، علشان تكشف مسيرات الحوثيين قبل ما تضرب إسرائيل.

من الآخر، بعد اللي حصل ده، شعار “اللي عاوز يجرب يقرب” مابقاش تهديد، ده بقى دعوة مفتوحة، أوبن بوفيه!

نرجع بقى للسف على الفشلة المجرمين اللي سارقين البلد ومضيعين فلوسها وساجنين وطاردين علمائها ومخلينها خرابة.

كلمات مفتاحية:

اترك تعليقا